Hamza shprehet i bindur se e mban fjalën, premton sërish rritje të pagave 50 për qind

13:54 | 15 Dhjetor 2024
H.E

Kandidati për kryeministër nga radhët e Partisë Demokratike të Kosovës, Bedri Hamza ka thënë se premtimet që i jep, i realizon.

Në një tubim së fundmi, Hamza përsëri ka premtuar rritje të pagave deri në 50 për qind, pasi që sipas tij, Kosova ka pagat më të ulëta në rajon, përcjell Arbresh.info

“Fjalën publike e konsideroj që është kontratë e imja me votuesin, me atë që premtoj edhe kur e them jam i sigurt që i rri mbrapa. Sot Kosova ka mbet me pagat me të ultë në regjion dhe tash po them që po pagat kemi me i rrit 50 për qind edhe për mësuesit, arsimtarët dhe profesorët por edhe për të gjitha kategoritë e tjera që i marrin pagat përmes buxhetit të Kosovës”, ka deklaruar Hamza.

Ai ka shprehur bindjen se në këtë mënyrë do të kontribuoj në përmirësimin e standardit të jetesës për qytetarët e Kosovës./Arbresh.info